基本上這是一篇投訴，若大家怕影響心情，請跳過不看。
早前媽媽說家裏的固網電話已經沒有合約，不如轉另一家網絡供應商，我家便由「殿信型科」轉用「禍記」，就轉出個禍了。
首先，家裏的電話線不能作傳真用，已經為家人帶來困擾了。然後我發覺昨天師傅來幫我家安裝時，由於我不在家，他留下了user name及password讓我自行上網，但我發現兩者都根本不能用（error 691)。那我就致電師傅，他又不回電。結果我要求助於客戶服務中心。
服務員甲：你好，呢度係禍紀，請問有咩幫到你？
我：我想問我屋企既固網電話線，係唔係唔可以用來fax呢?因為以前一直都得，我唔知轉左禍紀係咪要再申請。
服務員甲：請問你係咪登記人本人？我想同你核對少少資料（核對過程中，發覺原來z是不可用正確讀法，一定要讀"易set"他才聽得懂)
服務員甲：小姐資料無問題，我而家幫你更新番d資料，你聽日或者後日就可以用到個fax既服務。
我：即係聽日定後日呢？
服務員甲：應該係聽日或者後日。如果聽日唔得，就會係後日。（大哥，你到底有無講過嘢呀？）
我（漸有怒意）：吓？我屋企人要收fax，佢地唔通同人地講：你聽日fax唔到就後日啦，咁呀?你聽日就聽日，後日就後日啦，到底邊日呀？
服務員甲：因為個服務係要同事跟，佢無咁快做到，最快都要24小時啦。(唉，佢應該係唔識廣東話......)
我（已放棄以上問題）：我想問個服務係咪要另外申請呢？點解而家會fax唔到?
服務員甲：唔需要特別申請架，其實你用主線應該係可以fax既。
我：咁點解而家用唔到呢？
服務員甲：無問題架啦，我而家幫你更新個資料，你聽日或者後日就可以用到。
我：咁既然唔駛特別申請，而家又用唔到？
服務員甲：無問題架啦，我而家幫你更新個資料，你聽日或者後日就可以用到。（god!佢到底發生咩事？有冇聽我講嘢架？）
我：既然唔駛特別申請，你要更新ｄ咩資料呢？我無要求額外服務喎。
服務員甲：無問題架啦，我而家幫你更新個資料，你聽日或者後日就可以用到。（我開始懷疑我係同個電腦對話）
我（投降）：咁好啦，寛頻都有問題喎。
服務員甲：咁你要打另一個電話先得估喎，電話係xxxx。
服務員乙：你好，呢度係禍紀，請問有咩幫到你？
我：我剛由「殿信型科」轉用「禍記」，但發覺裝機師傅留比我個個user name同password用唔到，係error 691。
服務員乙：明白，麻煩小姐核對番ｄ資料先。（又來，又係個z）
服務員乙：資料無問題，或者我幫你check下個user name先。你可唔可以講一次個user name?
我：
xxxxxx@xxxxxxx.com服務員乙：小姐你會唔會打錯大細階？（你玩嘢呀？）
我：唔會啦。
服務員乙：小姐咁你會唔會打錯字？（想迫我講粗口？）
我：都唔會啦，我試左好幾次。
服務員乙：咁我check下你個user name先(你唔係一早check架咩?)咦，小姐我check唔到你個user name喎。
我：吓？呢個係你師傅比我估喎，唔係我自己作架。
服務員乙：咁樣，或者師傅個個係temp既，一係我而家幫你做個perm架啦。
我：咁係咪我可以即刻上到網？
服務員乙：我地都需要ｄ時間處理。
我：咁即係我要幾耐先上到網呢？我等住用喎。我唔駛要個perm既住，你比個term既我頂住先啦。
服務員乙：唔係，我而家幫你做個個係perm既，咁你以後都係用呢個架啦。（呢間公司ｄ人係咪無耳仔聽人講嘢？）
我：我趕住用，咁你要我等幾耐呀？
服務員乙：我會交比有關既同事架啦。（你到底知唔知我講乜？）
我：我係問要等幾耐呀。
服務員乙：我地會盡快幫你做。
我：即係我今晚用唔到啦？
服務員乙：我會交比有關既同事架啦。（救命呀）
我：
yyyyy@yyyyy.com服務員乙：小姐我呢度check唔到你個user name喎。(其實你係咪想我打鑊你?)
我：咁而家即係點呀？又係你話要我比個你，你而家又check唔到，想點呀？
服務員乙：小姐我呢度check唔到你個user name喎。
我：我唔想再同你講，你有冇第二個同事？
服務員乙：小姐唔好意思，我唔可以轉你條線比另一個同事，或者你想同第二個同事傾，你打番xxxx。(火山爆發)
我：咁你有冇supervisor呀？你叫你supervisor同我講啦。
服務員乙：你想搵supervisor傾，無問題，我幫你轉條線過去。（supervisor果然係豬頭骨位）
（兩分鐘後）
服務員乙：唔好意思要你等，小姐，或者你比多次你新個個user name我吖。
我：你係咪剛才個個女仔？
服務員乙：係呀，或者你比多次你新個個user name我吖。
我：
yyyyy@yyyyy.com服務員乙：，請你等等。(supervisor去左邊?)
(一分鐘後)
服務員乙：小姐，我已經幫你將個新user name同交左比有關同事，應該好快用得。
我：即係幾時用得？
服務員乙：小姐你等等，我幫你去問。（你想我等到幾時？）
（兩分鐘後）
服務員乙：小姐同事幫你落urgent，三個鐘之後應該可以用。
我：你supervisor去左邊？
服務員乙：你想搵supervisor，我幫你轉條線過去。（咁之前條線tran左去邊？）
（數分鐘後）
服務員乙：supervisor而家比較忙，或者我仲有咩可以幫到你？
我：你公司有冇處理投訴既部門？
服務員乙：公司無特定部門處理投訴，但你可以同我講，我幫你跟進？
我（失控了）：咩話？我要投訴你服務有問題，你叫我同你講，等你自己處理你既投訴？
服務員乙：唔會，我地會將投訴交比經理，等佢處理。
我（火山爆發）：你係電話剩係話你check唔到我個user name，你根本無比過solution我，你一ｄ都helpful。我要同你講咁耐，又話要搵supervisor先解決到個問題。
服務員乙：其實一般情況，師傅比你既user name同password應該係無問題，可以用到既。
我：我夠知啦，咁我而家用唔到，好明顯唔係一般既情況啦。
服務員乙：我都有試過幫你check個user name，但我呢度真係check唔到。(救命呀，你有冇第二個籍口呀？）
我：我都知你check唔到，你講左好次啦，但你根本無去解決個問題。vnry(#_^%#(_^%_jmc(yv(%^_#bv_cjnvn^%^_(％nv%(#^b_(^vb_v_n%_n
自從加入了現在的公司，我已經很少惡得這樣子，這次我真的很嬲很嬲很嬲。以上對話我已經刪減了很多很多。我可以告訴你，那句「我而家幫你更新個資料，你聽日或者後日就可以用到」及「我check唔到你個user name」，兩位仁兄重覆了不下數十次，但卻不曾正面直接的回答我一個問題。到底是他們不長耳朵？還是我的廣東話不流利？
最後那位服務員乙，竟然搞錯了我的user name，三小時後我又要再致電那客戶服務熱線，唉。被她連名都改了，我還有甚麼好說呢？
OTTOLENGHI
