賤嘴

今天約了兩個朋友下午茶，好愉快的一個下午。

友Y：你知唔知呀，D日本人呀，生仔唔係為自己，係為個國家架。佢地諗係咁生仔，要個國家強大強大強大~~
我：係啦係啦，係咁生仔，總有日絕子絕孫呀。剩係得仔，無女，點生呀？
友Y及P：......（五秒後爆笑）
友Y：你把口有時都幾正經，但賤起上來，真係好賤。
我：係啦，如果一直「連生貴子」，其實都係會絕種。
友P：呢下真係好賤。
友Y：原來個祝福其實咁毒。
我：係啦，細個個時有個uncle講，佢話祝人地壽與天齊其實好衰，因為得佢一個壽與天齊，其他人都死晒，咪好慘囉。
友P：（爆笑）咁以前D人同個皇帝講吾王萬歲萬歲萬萬歲，咪即係咒佢？

在這些無聊笑話中，我們都過了個充滿笑聲的下午。與友共聚，真好。