瘋狂的饅頭

和同事外出，在車上聊天。
我：其實呢，我小時想改名作Melody，這名字很好呀，又溫文儒雅，襯我呀（！）
同事A：吓？唔......不如你改Kuromi啦，我覺得呢個襯你多d。
我：咁我係咪以後都要一邊嘴「戚」住咁笑呢？

晚飯時：
我：（看著旁邊點了很多菜的同事）我睇住你，我諗起個套戲「瘋狂的饅頭」呀，你食好多嘢呀。
同事A：個套......係咪叫瘋狂的石頭呢？
我（瘀爆狂笑）：係咩？實不相瞞，我無睇過。
同事A：點會變左饅頭架？
我：因為我見到佢食好多嘢囉。其實呢，呢套瘋狂的饅頭係我會開既新戲，呢套戲既導演係Kuromi。
同事A：吓？
我：係呀，我會搵同事C做主角，因為佢係瑤瑤，我會請佢表演爆奶，但佢一爆會爆Ｄ饅頭出來，好勁的。（同事C看來比真實年齡少最少三歲，我們說他「童顏」，而「童顏」又要搭「巨乳」，所以他變了瑤瑤）（我真的跟其他同事說他叫瑤瑤，因為他童顏）（然後同事C立即抓狂：瑤你個頭！仆街啦你！）（又，我根本不知道誰是瑤瑤，也不知她怎樣爆奶）

第二天我跟其他同事說起瘋狂的饅頭：
我：我超白痴，竟說了瘋狂的饅頭。
同事V：咦，係瘋狂的石頭既friend來喎。
我：係呀，因為我見側邊個同事食好多嘢，所以就講左饅頭啦。
同事V：啊，咪好似小平津食熱狗咁囉。
我：小？平？津？你係咪想講小林尊呀？
同事V（狂笑）：係呀，你竟然記得佢係叫小林尊呀。
我：何止？我仲知道小平津係銅鑼灣既樓上日本餐廰囉。

其實，我真的很無聊......