返火星

昨晚跟友聊天，有以下的對話：

我：其實我很簡單，我想要的東西都很簡單，因為太複雜，我根本處理不了。
友：但做人係咁架啦。
我：我唔明點解天父要咁。
友：可能佢想你成長。你真係太單純喎，咁唔係辦法。你咁樣，你將來個老公實食硬你出去滾同包二奶喎。
我：實不相瞞，如果佢真係瞞我瞞得到，我都無乜所謂，因為我根本唔知。
友：包二奶喎......你而家咁你將來萬一有事，你一定應付唔到。
我：等等先，咁係咪即係，天父要我成長，因為我老公一定包二奶？所以我而家要咁，等我將來搞得掂？唔好啦。
友：但你唔成長，唔經歷，真係死硬喎。
我：唔成長有乜所謂啫，我身邊個個都簡單，個個都對我好，咪得囉。
友：咁你唯有返火星，呢度唔啱你。
我：......

*************************************************************

我很簡單，是真的。
我很蠢，也是真的。
如果說天父總給人一些過人之處，我必定是比別人都蠢。
曾經有朋友說，會跟我成為朋友，是因為覺得我單純。
我對別人的好，都是發自內心。
即使是飛機上的乘客，我真心的希望，他們坐過我執勤的客機，會覺得那航班的服務，給他們好的回憶。
能成為別人快樂回憶的一部份，是自己的福氣。

聖經上說，你們若要人怎樣待你們，你們也要怎樣待人。
世界不是應該這樣的嗎？
友說，奇怪我見過這麼多人，經歷過的事，但仍這麼天真。

也許，火星真是我該去的地方。