十大不能夠之一

事情是這樣的。
上班，有兩個客人走來，一個對另一個說：
女：嗱，你睇，呢度有三文治、有水、仲有小食，你可以隨便食架。
男：係喎係喎。
男（看著我，對我說）：beer?
我：你要啤酒呀？我識講廣東話架。我攞比你啦。
男：係呀？唔該晒你喎。
女（看著我，對我說）：can i have a beer too?
我（心想，小姐，你都聽到我講廣東話喎）：你都係要啤酒呀？我真係識廣東話喎。
女（帶著一個一臉自豪的笑）：i just get used to it.
我：......i get used to the cantonese as well.

頂吖！明明這個女的一直都是用廣東話跟別人溝通，怎會"get used to it"呀？你有幾習慣講英文呀？習慣都算了，說時還要一臉自豪！好心啦，點解要扮鬼婆呢？扮咩呢？識講英文好叻咩？習慣講英文好叻咩？全世界而家都學中文啦，係"100 things to do to improve your life"入面，排第十二就係學中文囉。仲要喎，佢同我講完，跟住都係用番廣東話同佢朋友傾偈喎。
連自己都不尊重自己的身份和文化，這種人，不！知！所！謂！